Le jonn da Calfosch Romeo Costa che á fat la scola d'ert a Urtejëi s’á tut le tëmp da gní tla comunité d'abitaziun por realisé n proiet d'ert. Al ê punsé da fá dui chedri cun curusc acrilics. I assisitis s'la cunfurtâ bel dassën da pudëi fá chësc proiet, mo Romeo orô ti la fá ciamó n pü plö interessant, purchël s’âl punsé da ti lascé fá le prüm cheder cun i curusc che ëi se chirî fora, al ti dijô ma sciöch' ëi pudô moscedé adüm i curusc y ti mostrâ val’ tecnica, meton averda da ne se ficé nia ite de massa tla creativité di assistis, pur che i chedri foss le früt dla fantasia di assistis. Ince sce tal mët man me dél inmët che ai chiris fora curusc che ne passenâ daldöt nia adüm, é ste le resultat dër plajor. Le secundo cheder, ê n püch plü rî da fá, Romeo ti spligâ les tecniches cun tröpa paziënza ince plü iadi, mo ince te chësc cajo ál ciaré da se tigní fora le plü poscibl, por che i chedri foss autentics. I assistis metô dër averda da fá ci che al ti spligâ, mo dô en pez che ëi depenjô, se purdoi te sü pinsiers y val’ un depenjô n pü de massa o falâ val’, te chësc cajo ne mudâ Romeo fora nia, deache so pinsier ê propi chël de nia mët val’ de so t’e n chëder de n ater. Vigni detail che nos aratan sciöche n fal ê propi mâ la manira de vignun da dé forma a süa ert. Propi chësc é le bel dl' ert, che vignun po la interpreté sciöch' al mina. Le curs ti á tan plajü ai assistis, che ala fin damanâi bele, sce Romeo ess indô podü gní do les vacanzes da d' isté a fá en secundo proiet. Oressun ciamó n iade to l’occajun de ringrazié Romeo che al s'á tut le tëmp por fá chësc proiet adüm a nos.