SUNÉ LE TAMBÜRL CUN MIKE

Mike en ël da la Nigeria, che da püch tëmp vir a La Val y laora al mumënt te nosta strotöra sciöche vardian, se á fat la proposta de se insigné da suné le tambürl sciöche ai le fej tal Africa.

Nos un atira dit de sce y i ne udon nia l' ora da mët man. Incö el spo gnü le gran dé y sun jüs düc adüm te palestra olache Mike se aspetâ bel, cun i tambürli arjigná ca. Dan mat man se ha Mike splighé de ci material che en tambürl african é fat, al é fat de pel de biscia o de tigra. Dedô unse metü man da suné le tambürl adüm cun Mike, chël ê dër da ri. A la fin a Mike ciamó suné y cianté pur nos y nos un pudü balé ai sonns di ritms africans. Al é sté en domisdé atramënter co i atri, da ri y nos un indô imparé val da nü. Iolan Mike.

Tres plö al alt

Sciöche düc i jogn y les jones dl monn, fajunse ince nos gian tres nöies esperienzes. Porchël unse tut sö cun ligreza la proposta de nosta manajadëssa de strotöra, da ji ad arpizé tla palestra da Bornech. Degügn de nos ne â cina sëgn fat na te esperiënza, porchël êl gran ora da la fá. Accompagné se á Federica Valazza na jona da Al Plan cun gran esperienza te chësc ciamp, che cun gran pazienza se á insigné schiöche an fej. Nos indere ne an nia tan de paziënza schiöche era y an prescia da ruvé sö pur i parëis plö alć. Federica se á punsé da sté tla palestra da Bouldern, olache essun pudü imparé da arpizé sënza prigo da se fa me. Mo al ne é gnanca passé mes ora, che nos en bel arjigná pur val de plö, urôn cordes, imbragadöres e ji três plö al alt. Do che düc se â vistí l imbragadöra, sunse piá sö pur i parëis plö alć dl local da Bouldern, mo de fata anse albü purvé fora vigni percurs. Al ê gnü le tëmp da jí tla gran palestra, olache valgügn de nos s' á infidé da ji cina sö a 12 metri. Nostes assistëntes y Federica ne cherdô nia a sü ödli, mai n ' essles punsé che nos imparassun tan snel y sura düt ne essles mai cherdü che essun tan de coraje. Chësta esperiënza anse ince fat, sëgn manciâl ma plö üna na cossa…..imparé da fa sigurté. Y avisa chiló á nostes assistëntnes messü mëte süa crëta te nostes mans. Mo con nosta gran capazité eles indô ruvades intires in pur tera. Al é sté n de plëgn de adrenalina y der da rí. Uressun ciamó ti di giulan a Federica por se avëi tut le temp pur nos y se avëi insigné döt ci che an mëss savëi. Nos sperun che ëra se toli ciamó n iade le tëmp da gni cun nos.

Al lüch da Murin

Rossana Todesco dl lüch da Murin de Pedraces, se á invié a sté cun ëra n dé söl lüch de familia. Deache nos un düc dër ligrëza cui i tiers unse atira dit de sce, sënza punsé sura dui iadi. Canche sun ruvá söl lüch se aspetâ Rossana y n grüm de pici iac de püces edemes, chisc ê tan da urëi bun che ti sun atira düc jüs pormez a ti fá aicia. Canche Rosanna ê indô stata bona da avëi nosta atenziun, se ala mené a ciaré la stala olache ai á les vaces. Ëra se a cunté en grüm de cosses sura les vaces, da -sciöche al funziona le magun de na vacia- cina a -tan de lat che ala po dé ten de- y un ince pudü pié tles mans n corn y ciaré avisa schiöche al é fat. Dedô sunse jüs ten n ater local dla stala olache, al fô de pici cunici, a chisc anse podü ti dé da mangé tratan che Rossana se spligâ de plü cosses sura i cunici. Un ince podü ti fá aicia, mo purmó do che ala se á splighé sciöche an mëss fá. Ala se á insigné da respeté i tiers, sciöche an i pëia ite y olache ai ne ó nia gní piá ite y sciöche an se comporta cun i tiers. Canche gnen fora de stala el na gran alcia che se aspetâ, an és orü dí che ala oress se salté ite, al se é gnü spligé spo che la mandla ê tl laûr da coé fora y le mandel mëss defëne la cô. Dailó dlungia êl na gran gabia, olache al é de vigni sort de iarines, al se é gnü spligé che les iarines é i tiers che vir ciamó aldédaincö, che ti somëia le plö ai dinosaurs. Un de nos á albü le coraje da tó na iarina söl brac y düc un podü purvé tan morjela che na iarina é. Dô che an odü la stala y düc i tiers, se á Rossana ciamó invié te ciasa a mangié na turta che ëra á arjigné por nos. Te chëla ocajiun ala dit de avëi le dejider, da fá en proiet cun nos dla Spona plö inant. A nos se plej l' idea dër y ne odun nia l' ora da mët man. Intratan orunse to l' ocajiun da ringrazié Rossana pur le bel de che ëra á organisé pur nos.

Proa de evacuaziun cun i stödafüch

 Ai 26 de jené 2016 él gnü motü a jí tla ciasa na proa de evacuaziun cun les uniuns di stödafüch da La Val, Badia, San Martin y Al Plan. I assistis se á dër conforté a chësta proa y ne aspetâ nia l´ora de podëi fà para. Al é gnü simulé en mé de füch tla strutüra, olach´le füm se tirâ sö pur stiga y ti porti. I assistis y l´ assistënta che ê tla prüma alzada é gnüs alzà da sorà jö cun la litra di stödafüch d´ Al Plan. Un n assistì é gnü portè söl scagn a rodes jö pur la stiga de emergënza. I assistis y l´ assistënta che ê tla secunda alzada é gnüs acompagnà dai stödafüch jö pur stiga. Ai assistis ti al salpü dër bel, ai ne â nia tëma, ince sce al ê scür y da füm y sce i stödafüch rodâ te ciasa cun la mascora cuntra l´füm. Chësc é desigü sté le mirit di stüdafüch, che á salpü da ti stè pormez y ti trasmëte sicurëza y calma.I oressun rengrazié vigni stüdafüch por la bela proa che ai s' á tut la bria da fà y pur le tëmp che vignun ofrësc sö pur daidè i atri, ince meton val iade te prigo süa vita.

Astrid al hotel La Perla

L´idea de Michil Costa da mët a jí n proiet in colaboraziun cun le personal dl hotel La Perla y dles assistëntes dla comunité d´abitaziun por inserí Astrid sciöche colaboradëssa tl hotel é stada n gran suzés. Astrid á motü man tla reception y é spo passada a daidé te botëga, te stüa da gosté, tles stües dl restaurant fina a daidé fá la decoraziun por le hotel. Al ti á salpü dlunch dër bel, ara é gnüda tuta sö dër bun y le personal á mostré tröpa paziënza dala insigné jö. Dandadüt Valerio Cabiddu che se á motü a desposiziun da fá da porsona de riferimënt a Astrid tratan chësc tëmp, ti á insigné dër tröp y á inće sostegnü les assistëntes pro l´educaziun d´Astrid. Iö á baié cun i colaboradús dl hotel y vignun á dit che Astrid ti á dé tröp. Ara ê buna da trasmëte a düc la buna lüna. Astrid ti á insigné da se tó tëmp y da ester cuntënc. Astrid ê dër brauia da cunté a sü compagns d’La Spona ci che ëra â fat ia pur le dé te hotel y tan tröp ch’ara â laoré. Ëi ê propi n pü invidiusc, ince ëi ess orü fá chësc laur y un o l´ater aspetâ ince ch’ara fajess n fal, por podëi spo tó ite so post. Al é sté na sort de gara che á stimolé la motivaziun de Astrid y ince di atri assistís. Chësc proiet a dé tröp a düc chi che á fat para. Astrid á sëgn motü man n laur nü. Ara laora tl restorant La Ciasota a Pidrô. Astrid á fat le prüm vare y al foss bel sce ince n ater assitënt o n’ atra assistënta podess fá na te bela esperiënza.

Invit da pert dla familia Costa dl Hotel La Perla

La familia Costa dl Hotel La Perla a Corvara nes à invié a balè al Apresski L´Murin y dedô a cëna tl bistrot dl hotel. L´emoziun ê tan grana che i assistis â bel metü man da se arjigné dales cater domisdé. I ëi s’à düć vistì la ćiamëja y la cravata, Astrid s’à vistì en bel guant y s’ à inće lascè depënje sö. Da mesa les sis sunse spo ruvà al Murin olache s´un devertì y un balè adüm cun val’ colaboradú dl hotel che é gnü a nes saludé. Inće Matthias l´proprietar, é stè cun nos por en pez y à balè cun i assistis. En valgügn assistis é inće jüs sön mësa a balè do che en chelner ti á fat la proposta. Dales set sunse spo jüs al bistrot olache un ciafè na bunisciama cëna, le personal ê dër da urëi bun cun nos y val’ un se fermâ inće a sla cuntè cun nos. Dô cëna s’à Astrid adüm cun Lisa y Michil lascè udëi la ćiasa, suradüt i posć olache ëra á laurè tratan chësta saison. Mo denat che mët man la roda, sunse jüs te ćiasadafüch a saludé y rengrazié i coghi por la buniscima cëna. Astrid s’à spo lascè udëi la butëga, les sales dl restaurant, la sala di gustá, l’area dl wellness y la cianô dai vins. Te cianô dai vins s’á lascé udëi n ater assistí le dessëgn che ël à fat sö por mür dan da en valgügn agn, tratan dn projet danter l´ hotel y nosta strotöra. Dô che ti un ćiarè a düć i seturs y saludé i colaboradus, él gnü ora da jì indô de revers da ćiasa. I oressun ćiamò en iade tó l´ocajiun da rengrazie la familia Costa por chësta magnifica sërada.

Na jita cun les ćiaspes

In jöbia ai 5 de forà sunse nos dl´abitaziun jüs a fà na jita cun les ćiaspes. Sun pià ia dales trëi cuntra Jú (San Martin) . Düć i assistis ê dër emozionà ćiodî che degügn n´ê mai jüs cun les ćiaspes denant. L´ tëmp n´ê nia le plü bel mo chësc ne ti à nia tut la vöia da jì ai assistis. A San Martin s´unse incuntè cun l´accompagandù Christoph Alfreider, che à organisé la jita pur nos. Bel da se vistì les ćiaspes éra stada dër da rì, deache an ne capî nia dër sciöch´an messâ fà y avëi les ćiaspes ti pîsc ê tl prüm inće en püch feter. Spo sunse pià ia, y al n´é stè degügn che à albü de gran problems da jì cun les ćiaspes tl pé, val’ un jê n pü' plü plan deache al manćiâ l’ alenamënt y d’atri jê indô bindebò debota. Le prüm toch ê en pü´ërt, dailò se fajôn plü fadia, mo spo sunse rovà t’en post da plan olache la nëi ê sciöche n polber y dailò êl dër saurì da jì . Dedô sun pià fora pur le bosch olache un udü en grüm de pedies de devigni sort de tiers y Christoph se spligâ de ci tier che ares ê. Ala fin sunse spo jüs te na ütia a bëre na ciuchelada ćialda y a mangé en toch de turta, che s´ ân sambëgn mirité dô na te fadia. Canche pian ia cuntra ćiasa sciacarâ val’ un bele pur podëi ćiamó en iade fà na jita cun les ćiaspes. I oressun ćtó l´ ocajiun da rengrazié Christoph pur la bela jita che un podü fà y i sperun che ara vais da n’en fà ćiamò üna.

Deboriada al zoo de Asslach

 Ai 26 de jügn dl 2014, na jöbia domisdé, é le grup dl´abitaziun d’La Spona jü cun sües assistëntes a Asslach (A) a ti ćiaré al zoo, co é plü avisa sön la „Pustertaler Höhenstrsasse“. Dal mumënt che le zoo é dlungia Lienz, y al n´é nia lunć da jí, êl la meta ideala pur fà na gita de mez n dé. Le zoo ti á salpü dër bel a düć, suradüt deach’al n´é nia n zoo schiöch´ düć i atri, olache i tiers é sará ite tles gabies. Te chësc zoo po la maiù pert di tiers rodè lëdi. Porchël pon inće ti dè da mangé ai tiers y i pié ite y chësc ne pon sënza nia fà te n zoo. Chilò à i assistis albü la poscibilité da tó sö contat cun i tiers y da ti ji dër pormez. La strada fora por le zoo ê düta adërta sö, purchël unse inće fat n pü’ de alenamënt, che a valgügn ti à salpü dër bel y a d’atri n pü’ demanco. Sö insom al zoo êl na tor panoramica, con na beliscima odüda. La maiù pert di asssistis, chi manco stanć, é ciamò jüs sö a ćiarè jö.

Podëi stè tan dlungia i tiers, ji a pe fora por la natüra é dagnëra val’ che fej bun a corp y anima y dà sensaziuns positives. Porchël é stè chësc dër n bel dé por düt le grup.

Na bela spazirada sön munt

In mertesc ai 17.06.2014 à le grup de abitaziun fat na picera jita sön munt. I sun jüs sö dala ütia „Edelweiss“ a Calfosch. Ćina a Calfosch sunse jüs cun l´auto y da dailò inant a pè sö pur la Val „Edelweiss“. Le motif por nosta jita n`é nia ma chël de fà na picera jita alaleria, mo inće chël de ji a ćiafè Denis y Alois, che dan da n pez è sta n valgünes edemes te nosta strutüra a laurè cun nos y a nes daidé. Canche sun ruvà pro ütia sunse gnüs tuć sö dër bun y i proprietars nes à ofrì la picera marëna. I sun stà n valgünes ores te ütia y nes un dër divertì adüm ai proprietars y al personal. Incër les sis sunse spo indô pià ia cuntra paîsc por jì zeruch tla strutüra.I uressun ćiamò tò l´ocajiun por rengrazié Alois, Maria y Denis por le bel domisdé y por la picera marëna.

Na bela sëra sön les pistes

In lünesc, ai 04 de furá, é gnü le grup de abitaziun invié a cëna al „Sciadá“ a Calfosch, i assistis y les assistëntes á atira azetè le invit cun ligrëza. Dô la buna cëna, êl na bela festa sön pista organisada da la scola de schi da Calfosch, olà che inće i assistis e les assitentes á podü fá para. Düta la pista ê iluminada y al ê ince en DJ che fistidiâ pur la müjiga. I mestri de schi é sta dër disponibli y ti á lascè fá ai assistis döes rodes con la ferata dla scola de schi. Chësc é sambëgn ste dër bel y interessant pur i assistis che n´ê ćiamo mai jüs cun na te ferata. Do les rodes cun la ferata esi spo jüs düć adüm a se bëre en tê ćialt pur se scialdè. Sö la pista êl spo inće en gran trampolin olà che i assistis é sta dër dî a saltè y s´á dër devertì. Dô i salć sön le trampolin âi ciamò fat na pićera spazirada sön pista, mo spò él tosc stè da jí a ćiasa deache le dé dô êl indô da jí a laurè. Uressun ćiamo tó l´ ocajiun da rengrazié la Valeria por la bona cëna y la scola de schi pur süa disponibilité y por les rodes cun la ferata.

Na bela sëra ala ütia Edelweiß

 

In mertesc ai 18 de dezëmber, á Maria y Alois dla ütia Edelweiß invié düt l´grup dla comunité d´abitaziun a na cëna te süa ütia. I assistis s´á confortè dër, deache ëi n´é mai stá dailò, mo dan da düt deache ëi podô indô udëi Alois, che é stè dan da püch tl´ abitaziun a fá n practicum, y ch´ é stè bun da se davagné atira le simpatia de düć. La sëra á metü man cun na bela roda sön le giat dla nëi che s´á porté ćina pro ütia. Podëi jí cun le giat dala nëi é stè dër bel por düć. Lassö unse ciafè dër na buna cëna, ch´ti á plajü. Mo dô cëna n´ê la sëra dî nia ćiamò ruvada, al é gnü metü sö musiga da bal, chi ch´orô podô balè, i atri á fat n bel batadù cun le patrun de ćiasa. Dër aprijé á i assistis che les chelneres dla ütia s´á tut le tëmp da balé impara, insciö ái indô albü la poscibilité da conësce d´atra jënt. Tosc él indô stè ora da ji a ćiasa, deache le dé dô él indô da jí a laoré.

I ó tó l´ocajiun da rengrazié a inom de düć le personal dal ütia por süa disponibilité y n gran giulan a Alois y Maria por le invit.

 

Vire la Bibia

 

Ai 4 de dezëmber 2012, á le Sorvisc ai jogn Val Badia invié le grup d´abitaziun a ciare ala mostra “Vire la Bibia”. La mostra ti á salpü dër bela a düć i assistis, dandadüt deach´al n´ê nia la solita mostra olach´an pò ma ćiarè ales cosses. Al ê na mostra che an á podü vire con düć i sëns. Al ê de vigne sort d´erbes ch´an podô tofè, erbes che chersciô bel ai tëmps de Gejú, tröpes ilustraziuns da odëi y tröpes cosses ch´an podô pié ite fora de vigni religiun . Verena Obojes che nes à invié ala mostra, s´á inće tut le tëmp, da nes splighé düta la mostra y ti á dè la poscibilité ai assistis da se vistì so guanć da curat y turbanć arabi. Chësc ti á salpü val' dër de interessant ai assistis, podëi en iade se sintì sciöche n curat o n rabin. Ala fin dla mostra él ciamò de vigni sort de jüć d´abilité da fà, che tratâ de religun o dla manira de vire ai tëmps de Gejú.

Pur stlü jö uressun ćiamò tó l´ocajiun da rengrazié la Verena por nes avëi invié y por s´avëi splighé de vigne sort tratan la mostra.

 

Jì d´ invern a „LA MUNT“ a balè

 Jì d´invern a „La Munt“ a balè é gnüda na tradiziun pur i assistis dl´abitaziun „La Spona“. Sciöche a düc i jogn, ti plej inće ad ëi le divertimënt, y da stè adüm cun i atri. Ai assistis ti plej dër la musiga popolara y porchël se conforti bel danperfora da jì dui iadi al mëis sö „La Munt“ pur ascutè sö, ciantè para y pur balè düt ci che ara và. Chësta é na poscibilité da imparè a cunësce indô d` atra jënt. Ai se sënt bun sce ai vëgn tuć sö y azetà dai atri o sce valgügn baia cun ëi y ne fej desgunes desfarënzies: Sambëgn plü bel él ćiamò sce valgünes và a balè impara. Düt chësc ti dà motivaziuns y vanité che e dër importantes pur so svilup. Les assistëntes y i assistis amirëia düc chi che se da jö cun ëi.

 En bel giulan ai chefs y al personal co sa dangara traté dër bun.

 

 

Proa di stödafüch tl zënter sozial "La Spona"

Ai 18.03.2010 à n valgügn mëmbri di stödafüch da La Pli, d'Al Plan, da San Martin y da La Val tignì na proa. Dan la proa à l’comandant di stödafüch da La Val cuntè sö ai assistis y ales assistëntes dla comunité d’abitaziun co ch’an se comporta sce al pëia ia l’alarm de füch tla istituziun. Al à inće sotligné, che en chësc iade se tratàra ma de na proa. Al é gnü simulé n mè de füch te tislaria. Canche al é pié ia l’alarm á düć mantignì la calma y à lascè l’abitaziun jon dala porta d’emergënza fora y respetan dötes les regules. Dô la proa à i assistis podü conscidré l’auto de sorvisc y dötes les atrezatöres, ai à inće podü se porvè sö les devises. Chësta proa é stada na bela esperiënza, olàche düć à imparè val’ adinfora. Düć é stà reconescënć dl tëmp che i stödafüch à dè ca por ëi.

Jì a ?iaval a Lungiarü

D’aisciöda é jüs i assistis y les assistëntes dla comunité d’abitaziun cater iadi tl Sitting Bull Ranch a Lungiarü a imparè da jí a ćiaval. Ai à imparè da jì a ćiaval y dantadöt ai tut sö confidënza cun i ćiavai. A düć ti al salpü dër bel y ai se confota bele al proscimo iade.

 

Fi d'orientamënt La Spona

Botëga nöia tla ciasa "La Spona"