Destinatars

Chësc sorvisc é resservè a porsones cun n handicap mental o fisich, che n’à nia ciamò complì i 57 agn. Le limit d’eté é gnü stabilì da n regolamënt intern di sorvisc soziai. Na regolamentaziun a livel provinzial é preodüda anter le 2011.
Al vëgn tut sö porsones che é bunes da vire adöm te na comunité cun n’assistënza de dé mo che n’à nia debojëgn de assistënza tratan la nöt.
Al vëgn pité ai assistis na poscibilité da abité te n ambiënt da stè saurì y familiar, olach’ai se sënt respetà, valorisà y al sigü. Ai vëgn acompagnà y aconsià tles dificoltês y ti conflić dla vita da personal cualifiché.

Assistis y assistënć fej adöm i laûrs de ćiasa do n plann dl’edema. I assistis se fistidiëia inće di laûrs t’urt. L’obietif é che vignun impares da fistidié autonomamënter por i laûrs de ćiasa y da respetè les regoles dla vita de comunité.

Al vëgn organisé ativitês desvalies, che vëgn proponüdes dai assistis y dai assistënć.
N valgünes ativitês vëgn fates regolarmënter n iade al mëis:
• vigni secundo mercui dl mëis vëgnel ciarè n film, che un o l’ater di assistis o di assistënć se tol para
• vigni terzo mercui dl mëis van a mangé la pizza
• l’ultimo lönesc dl mëis van a nodè tl „Trayah“ a Bornech
• d’invern van n iade al mëis a balè

D’atres ativitês che vëgn organisades, inće sce nia regolarmënter o n iade al mëis:
• jì al chino
• jì a teater
• vijité n museum
• jites
• jì a mangé cinesc
• jüć
• pastelnè
• proieć (curs de pitöra, sfilada de moda, ... )
• jì al mer
• y i.i.